«ده إللي اتعودنا عليه منك».. مدير أعمال شيرين عبد الوهاب ينفصل عنها
شيرين عبد الوهاب عادت من جديد لتتصدر التريند بعد التغريدة التي نشرها الإعلامي إيهاب صالح مدير أعمالها، وكشف من خلالها عن مفاجأة في علاقته بالفنانة شيرين عبد الوهاب.
في تغريدة عبر حسابه بموقع تويتر أعلن إيهاب صالح انفصاله عن التعاون مع شيرين عبد الوهاب في إدارة حفاظًا على صداقتهما سويًا وفق ما قال.
وكتب إيهاب صالح قائلا: "جمهور شيرين العظيم الحمد لله على نجاح حفل جدة كما كان متوقعًا، وده العادي بتاع شيري في أي حفلة، أجلت الإعلان بالقرار ده لحد بعد الحفلة، وحابب أشكركم جدًا على كم الدعم الرهيب في خلال الفترة اللى فاتت ليها في المقام الأول، وطبعًا بعد كده ليا."
وأضاف: "قررنا إن من الأفضل لينا إن نحط صداقتنا والعشرة قبل أي حاجة، وإني أبتعد عن إدارة أعمالها، وده أكيد لمصلحة الطرفين ولينا أسبابنا، مبروك وشكرًا يا شيري من كل قلبي ويا رب أكون على قد وعدي وكلمتي ليكي، أني دايمًا في ضهرك والحمد لله الدنيا دارت من أول وجديد وتكسري الدنيا حفلة بعد حفلة، وخلاص أهو الألبوم على أبواب، ومتأكد أنه هينجح نجاح غير عادي".
وتابع: "فرحان بشكل ملوش وصف بنجاحك، ورجوعك بالقوة دي وده إللي اتعودنا عليه منك طول السنين دي، أنا كده كده دايمًا موجود زي ما انتي عارفة، وربنا يديم كل اللى بينا على خير وآسف لو في أي لحظة كنت قصرت معاكي بأي شكل، أحب أشكر كمان جمهورك أكيد إللي مشوفتش منه غير كل خير وحب، شكرًا بجد من كل قلبي.
واختتم إيهاب صالح حديثه إلى شيرين عبد الوهاب : ربنا دايما يحبب فيكي خلقه، ويبعد عنك أي شر بكل أشكاله ويكتبلك السعادة، أتمنى التوفيق لمديرين الأعمال الجايين، وادعمهم دايمًا بأي شكل أكيد عشان تفضلي دايمًا على القمة.
شيرين عبد الوهاب وحفل جدة
ومن جهتها أعلنت شيرين عبد الوهاب، عن سعادتها بعد النجاح الذي حققته ليلة أمس في حفل جدة، على مسرح بنش مارك بالمملكة ، مؤكدة أن البساطة التي تتمتع بها جزء من نجاح شخصيتها التي تميزت بها خلال مشوارها الفني.
وقالت شيرين عبد الوهاب، خلال لقاء تليفزيوني لها: فيه عفاريت جوايا بتظهر على المسرح، لأني بحس إني مش مع حد غير جمهوري.. الشخصية اللي بنوها جوايا واللي وصلت ليا هنا بسببهم.
وعن تجديد الثقة بينها وبين شركة روتانا مرة أخرى، أوضحت الفنانة شيرين عبد الوهاب، أنها قدمت العديد من الأغاني والحفلات الناجحة خلال مشوارها الفني مع شركة روتانا، وتترقب العديد من النجاحات خلال الفترة المقبلة، موضحة: إن شاء الله راجعين تاني للنجاحات دي، وبوعد الجمهور بأغاني حلوة.
