الجمعة 29 مارس 2024 مـ 07:11 صـ 19 رمضان 1445 هـ
بوابة المواطن المصري

ياسمين عز: «الراجل عنده قلبين واحد في صدره والتاني في رجله الخلفية»

ياسمين عز
ياسمين عز

احتفلت الإعلامية ياسمين عز بعيد الحب على طريقتها الخاصة، خلال برنامجها "كلام الناس" المذاع عبر قناة "mbc مصر"، ووجهت عدة نصائح للسيدات.

وشددت على ضرورة الاحتفال بالرجل، تقديرًا لمجهوده طوال العام.

وقالت: "عيد الحب للراجل، تقديرًا لمجهود طول السنة، وأنا هسميه عيد حب الراجل، وبلاش تنكدي على جوزك عشان متبقيش ملعونة، وحبي تراب رجله وقوليله حاضر 365 يوم، وبوسي راس جوزك ومتنتظريش هدية؛ لأن فرعونك الجائزة الكبرى".

وتابعت: "الراجل عنده قلبين واحد في صدره والتاني في رجله الخلفية ومتراجعيش ورايا ولو عايزة تتأكدي أسألي دكاترة القلب، يعني حفنة التراب اللي بيمشي عليها دي هدية من قلبه ورجله، والراجل عيونه هي الفيونكة وراسة الهدية".

وواصلت: "سيبي مسافة بينك وبين جوزك عشان متدوسيش على ضله، لأن علميًا ممكن يتوجع ويتأثر نفسيًا، وبصيله بنظرة المثلث المقلوب من تحت لفوق برقة ودلال ودي عكس نظرة المثلث العادي اللي بنعملها لما بنتضايق من شخص، والراجل هو تاج راسنا ومنبع العسل والسكر وتراب رجله بالدنيا، وتعبان وشقيان طول السنة وبيجيب هدايا بدون مناسبة".

ووجهت نصيحة للرجال بشأن هدايا عيد الحب، قائلة: "يا فرعون يا تاج الراس يا فرحة حزننا ونعمة ربنا، فرعونا مفيش منه، وحفنة من تراب الراجل بالدنيا، جيب لمراتك حفنة تراب من تحت رجلك في منديل حرير، ولو تعرف قيمتك هتعرف قيمة التراب اللي ماشي عليه، لو هي جعفر هترمي الهدية ودا اختبار وسقطت فيه".