ويجز: «فين مناصرين حقوق المرأة والحيوان من الناس اللي بتموت في فلسطين»
عبر مطرب الراب ويجز عن حزنه لما يحدث للشعب الفلسطيني من قبل الاحتلال الإسرائيلي بترحي ودعم من الولايات المتحدة الأمريكية لكل ما يحدث في فلسطين من عنف وقتل للمدنيين والأطفال.
وتحدث ويجز في تصريحات تليفزيونية قال فيها: "هو إحنا لازم نشرح للناس إن الفلسطيني بني آدم ده مش منطقي، أنا مش فاهم ليه إحنا محتاجين نطرد اليهودي من أوروبا ويجي يقعد في فلسطين، ما أنت لو بني آدم وعايز تعوضه طيب ما تدي له مساحة في أرضك، وأمريكا أكبر كيان واقف ضد فلسطنين وضد كل شيء آدمي".
وتابع: "أمريكا ضد إننا نوقف ضرب ونقتل، وضد إن يدخل ماية، هي واقفة كما السيف علشان الفلسطنيين مياخدوش حقهم، وفي جرائم لا تغتفر ومش بس المقاومة إحنا دورنا خارجي أكبر بكتير أوي، اللي أنا بحاول أفهمه إن ليه فيه ناس بتدفع فلوسها لإسرائيل علشان تقتل مجموعة من المدنيين".
وأضاف: "إحنا شوفنا أمريكا وهي بتحارب وشوفنا لما جابت أسامة بن لادن، وشوفنا أطفال بتموت ولكن مش بالشكل ده، إحنا في 2023 و8000 بني آدم يموتوا في أسبوعين ونكمل حياتنا عادي، ده مش طبيعي، وأنا مش فاهم ليه وأنا مواطن فلسطيني أشوف جندي إسرائيلي وأنا في طريقي للمدرسة أو وأنا رايح أجيب أكل".
واستكمل: "هما اللي بدأوا الاعتداء من زمان، فين الناس بقى اللي بتتكلم على حقوق البني آدم، أنا نفسي أشوف مناصرين حقوق المرأة وحقوق الحيوانات، مين اللي بيحكم على البني آدم أنه يموت".
