زهقت.. تعليق صادم من هند عبدالحليم بعد إزالة الحسنة من وجهها

احتل اسم الفنانة هند عبد الحليم تريند موقع البحث العالمي جوجل، وذلك بعدما تداول رواد مواقع التواصل الاجتماعي صور للفنانة الشابة بعد إزالة الحسنة التي كانت تتواجد في وجهها.

وكشفت الفنانة هند عبد الحليم عن سبب إزالة الحسنة، إذ قالت: "شيلت الحسنة عشان حسيت إني زهقت، ببص في المرايا بحس إنها واخده كتير من النظر، حبيت يبقى في تغير لإني زهقت".

وردت هند عبد الحليم على انتقاد الجمهور لها بعدما تغير شكل وجهها، إذ كتبت: "للتوضيح حاجة كمان بما إن الناس بقت بتقول كده في الوش ومش بيحسوا بحد، فيه ناس كتير قالت إني عملت مناخيري ونفخت وشي وشفايفي أنا عملت كل ده؟ أمتى طیب وفين؟".

وتابعت: "هو أنتو مش عارفين أن البني آدم ملامحه بتتغير مع مرور السنين، وهو نفسه أصلا بيتغير مش بيروح يعمل عمليات في شخصيته ولا أحاسيسه، بس الحاجة الوحيدة اللي مش بتتغير إنه هيفضل بني آدم بیحس وبيتوجع، فحطوا نفسكوا مكان الناس أو بلاش.. بس مش لازم تخلوني عملت وغیرت وشيلت الحسنة اللي كانت فيها موهبتي أو الحسنة الوحيدة اللي كانت فيا زي ما ناس كتير قالت، برافو يا جماعة استمروا خليكوا أشرار أكثر وأكثر اتبسطوا".

طلاق هند عبد الحليم

وأعلنت الممثلة الشابة هند عبد الحليم عن طلاقها رسميًا من زوجها كريم قنديل، وذلك بعد رحلة زواج دامت لـ 3 سنوات.

كانت تزوجت الفنانة هند عبد الحليم من كريم قنديل في عام 2020، وانتشرت صور زفافهم على منصات التواصل الاجتماعي بصورة مفاجئة وحفل زفاف كلاسيكي بعيدًا عن الأضواء.

وكشفت هند أنها انفصلت بشكل هادئ وراقٍ عن كريم قنديل منذ 4 أشهر، متمنية التوفيق لكل منهما في حياته القادمة، مضيفة: «قسمة ونصيب، ومفيش نصيب نكمل مع بعض».

وكتبت الممثلة هند عبدالحليم منشورًا عبر صفحتها على «إنستجرام» مُرفقة بصور لها، وتقول فيها: «أيام بتمشى وناس بتمشي وإحنا بنتغير أوي، وكل حاجة بتتغير حوالينا ومفيش أي حاجة دائمة.. بس مش معنى إنّك لوحدك إنّك وحيد ساعات كتير بتحتاج ده عشان تلاقي نفسك وتعرف تبص حواليك كويس، كل سنة وأنتم طيبين وإن شاء الله السنة دي تكون أحلى وأحن على الكل يا رب».