بهذه الطريقة دعمت ليلى زاهر خطيبها بعد مشاركته في حفل «قادرون باختلاف»
دعمت الفنانة ليلى أحمد زاهر، خطيبها الفنان والمنتج هشام جمال، بعد مشاركته في حفل «قادرون باختلاف» الذي حضره الرئيس عبد الفتاح السيسي، اليوم.
ووجهت ليلى زاهر رسالة دعم لخطيبها عبر حسابها على «إنستجرام»، قائلة: «حفلة ممتعة جدا ومنظمة ومتميزة ما شاء الله كالعادة، ومجهود الأولاد الجمال الموهوبين باين أوي، وطبعا مجهود كل الناس اللي تعبت واشتغلت من قلبها في الحفلة الجميلة دي، وأولهم مجهودك وتعبك اللي باين قوي، أنا عارفه قد إيه أنت تعبت واشتغلت بحب وبضمير وكل سنة بتبهر كل الناس باللي بتطلعه من القادرون باختلاف من موهبة وشطارة وإبداع، أنت مش بس مخرج الحفل، أنت كمان عامل أغاني خطيرة ما شاء الله، وعامل كل حاجة».
وأضافت زاهر: «مش عارفة أوصف قد إيه أنا فخورة بيك، أنت أصلاً دايما بتخليني فخورة، ربنا يا رب يكتبلك كل الخير والنجاح على طول عشان أنت تستاهل أحلى حاجة في الدنيا.. بحبك».
