دينا الشربيني عن والدها: لسه مش مستوعبة وفاته وجالي في الحلم قالي «اتبسطي»
كشفت دينا الشربيني تفاصيل مكالمتها للداعية الإسلامي مصطفى حسني بعد وفاة والدها.
وحكت دينا الشربيني خلال لقائها في برنامج "كلام نواعم" عبر قناة mbc 1، عن مكالمتها لمصطفى حسني لتسأله عن حالة السكينة والهدوء التي تشعر بها بعد وفاة والدها وقالت: "كلمت مصطفى حسني عشان بحبه وقولتله أنا مش عارفة أنا في إيه وحكيتله إحنا إزاي كنا قريبين من بعض، قالي غالبا باباكي كان بيدعي أن لو جراله كده ربنا ينزل على قلبك السكينة، وحقيقي دا اللي مخليني عايشه".
وتابعت متأثرة لتحكي عن علاقتها بوالدها وما حدث يوم وفالته وقالت: "أبويا هو حياتي، الموضوع جيه بطريقة غريبة بابا مكنش تعبان في ساعتين أنا مش فاكراهم خالص هما بيحكولي عليهم كنت بتعامل أن الخبر مش حقيقي وبقول مش هو، أنا مش فاكرة الجزء دا حصل إيه، بيحكولي حاجات كأن واحدة تانية عملتها، فوقت وأنا بقوله في ودنه أشهد أن لا إله إلا الله وحسيت بحاجة غريبة أن روحه جوايا وحسيت بسلام نفسي عمري ما حسيته وفضلت أقول الحمد لله".
وأكملت: "أنا لسة مش مستوعبة وفاته، هو كان حد بيحب الحياة أوي، المرة الوحيدة اللي جالي فيها في الحلم قاللي اتبسطي، وهو بني آدم إيجابي، وحاسة إنه معايا مش إنه مشي".
يذكر أن دينا الشربيني شاركت في رمضان 2023 بمسلسل "كامل العدد" وتكون من 15 حلقة وعرض عبر منصة "شاهد vip".
ومسلسل "كامل العدد" بطولة دينا الشربيني، شريف سلامة، آية سماحة، أحمد كمال، أحمد جمال سعيد، جيهان الشماشرجي عمرو جمال، والفنانة القديرة إسعاد يونس، والمسلسل من تأليف يسر طاهر، رنا أبو الريش، ومن إخراج خالد الحلفاوي.
