الرئيس السيسي: «بنشترى سلع أساسية ووقود بـ2 مليار دولار شهريا»
قال الرئيس عبدالفتاح السيسي، إن كثير من خبراء الاقتصاد طرحوا إيقاف المشرعات القومية الجارية.
وتابع الرئيس السيسي خلال احتفالية عيد الشرطة الـ72:" بشغل 6 ملايين.. قولولى انتو يا مصريين، احنا كلنا في مركب واحد، أخلي ده يقفل ويروح.. حتى لو هديله 500 جنيه أو 1000 جنيه، في حين الراجل اللى شغال في الدولة بيعمل مبلغ أكبر من كده بكتير، وعايش، هتقولى بس الدنيا غالية.. بس كلنا نقدر نعيش.. لو نستحمل هنعيش وهنكبر ونتجاوز المشكلة".
وتابع الرئيس السيسى: "فيه رؤية طرحتها الحكومة.. شوفوا دايما كان الدولار بيمثل مشكلة كل كام سنة في مصر طيب ليه ؟، الدولة المصرية مش بس الإنفاق اللى عملناه أو الحرب ضد الإرهاب، إنما بقدم خدمات وببيعها بالجنيه واضطر أجيبها بالدولار هديكوا مثال، سلع أساسية بمليار دولار في الشهر قمح ذرة فول صويا طيب بيعه للناس بالجنيه طيب عاوز وقود قد ايه ؟ مليار دولار تاني، شهريا".
