«الدكتور قال هيموت».. تفاصيل إصابة كريم عبد العزيز بـ 9 جلطات
كشف الفنان كريم عبدالعزيز تفاصيل إصابته بـ 9 جلطات في الرئة، وذلك خلال لقائه مع الإعلامي محمود سعد في برنامج «sold out» على منصة «واتش آت».
وقال كريم: «كنت رايح بوالدتي أعملها عملية في لندن، فهناك اتفاجئت بآلام غير طبيعية في صدري، افتكرتها برد في الأول».
وتابع: «روحت عملت أشعة، ومشيت من المستشفى، فوجئت تاني يوم رسايل لزوجتي، الدكتورة بتطلب مقابلتي فورًا، روحت لاقيت المستشفى مستنياني، دخلت عند دكتورة قالت لي: (إنت هتموت)، فاندهشت جدًا، فقالت لي: (إنت عندك تسع جلطات في الرئة، إنت ازاي واقف على رجلك)، فبعدها أول حاجة طلبتها أني أشوف ولادي».
وأضاف: «قعدت في المستشفى أربعة أيام في العناية المركزة، وكان أكتر شيء مركز فيه ولادي، والأعمار بيدي الله، وطلبت أشوف دكتور تاني، وشوفت فعلًا وأكد لي إني مصاب بـ 9 جلطات بالرئة، وسألني: شغال إيه؟، قولتله: «أنا ممثل»، وخرجني بناء على اتفاق الالتزام بالأدوية وحقن سيولة، مفيش سجاير ولا ضغط.. وعملت كل ده في لندن، وانتهت الأزمة الطبية الحمدلله».
ويعرض لكريم فيلم «بيت الروبي» بطولة نور، كريم محمود عبدالعزيز، تارا عماد، سمر جابر، وضيوف الشرف محمد عبدالرحمن توتا، سارة عبدالرحمن، شريف دسوقي، حاتم صلاح، محمود السيسي، مصطفى أبو سريع، وقصة وسيناريو وحوار محمد الدباح وريم القماش وإخراج بيتر ميمي.
