تفاصيل مؤلمة.. رشا سامي العدل تكشف كواليس اللحظات الأخيرة في حياة شقيقها

تحدثت رشا سامي العدل عن تفاصيل اللحظات الأخيرة في حياة شقيقها المخرج اراحل أحمد سامي العدل، الذي توفي صباح أمس السبت.

ونشرت رشا سامي العدل على حسابها الشخصي بموقع التواصل الاجتماعي فيس بوك صورة جمعتها بشقيقها الراحل، وكتبت معلقت قائلة: "قاعدين على البحر في دهب في ساعة غروب بنضحك وبنعيط سوا ونشتكي لبعض قد إيه أبونا وحشنا وقد إيه الحياة من غيره صعبة فضفضنا لبعض ووعدنا بعض بحاجات كتير، رجع القاهرة على وعد بلقاء قريب نتجمع فيه تاني".

وتابعت: "وجيه اللقاء بعد مكالمة تليفون الحقي أخوكي تعبان في المستشفى جريت عليه لقيت التعب والألم زايدين على عمره عمرين مش عارف يتنفس وكلامه بصعوبة، قعدت أكلمه وأضحكه وأحاول أهون عليه شوية واسيبه يرتاح شوية".

وأضافت: "وفي عز محاولاتي نقله لمستشفى تانية فقد نبض قلبه لثواني قدامي، اتخضيت الدكاترة طمنوني وقالوا مفيش حاجة أهو زي الفل، بس قلبي وجعني ولقيتني بقول له عايزاك تسبح وتقول الشهادة معايا وتفضل تقول كل القرآن اللي أنت حافظه، يا دوبك لفيت ظهري ولسة هاخرج اشوف موضوع الإسعاف ونقله لقيت دكاترة وممرضين في كل حتة حوالين أحمد بيحاولوا ينعشوه 38 دقيقة على الساعة محاولات وأنا واقفة قدامه قلبي بيتقطع وروحي أنا بتطلع مني ماسكة في خيط أمل من الدخان اتقطع بـ آخر نفس منه وراح أحمد، أخويا الصغير الطيب الحنين الهادي".