طليقة شاكوش تهاجم زوجة علي غزلان: «طالعة تعملي تريند على قفايا.. ليه خراب البيوت»
عادت ريم طارق لإثارة الجدل من جديد على مواقع التواصل الاجتماعي، ودلك بعدما هاجمت إحدى البلوجر، ووجهت ريم عدة تهم ومنها التسبب في تدمير منزلها بيوت من أجل التريند.
وهاجمت ريم البلوجر فرح شعبان زوجة علي غزلان، إذ قالت لها من خلال حسابها الشخصي بموقع الصور الشهير إنستجرام: "أشخاص كتير أرسلو لي فيديوهات للبلوجر فرح شعبان من برنامجها وهى بتتحدث عني وعن شاكوش ومتدخلة في حياتنا الشخصية أكتر مننا مش عارفة ليه، إحنا حصل بينا قعدة صلح من 3 أيام والراجل إداني حاجتي اللي عنده بما يرضي الله".
وتابعت: "انتي عاوزة ايه دلوقتي عايزة تعملي مشكلة حابه خراب البيوت، ده انتي بتعملي حلقات عن الطلاق، مش المفروض تحترمي حاجة زي دي، بدل ما تطلعي تقولي إن الطلاق المفروض يكون في هدوء دون تدخل الإعلام".
وأضافت: "طالعة تعملي تريند على قفايا، إنتي عملالي فولو ليه لحد دلوقتي وكنتي بتكلميني في أول المشكلة ليه وعايزة تعرفي كل التفاصيل انتي قعدتي في بيتي وقت الخطوبة عيب اتقي ربنا أنتي متجوزة وعندك طفل، ربنا أداكي نعمة حافظي عليها، ممكن كنت أتمنى أبقى زيك، متفرحيش وتشمتي في طلاق متطلعيش ملكة بجناحات في مشكلة اتنين بيتطلقوا".
واستكملت: "أنت مين سمحلك تعملي كده؟، اتقي ربنا ومتجبيش سيرة ريم تاني، عايزة تعملي برنامج محترم مش على أعراض الناس ومش على قذف المحصنات الطريقة دي عيب وحرام، حتى لو أنا غلطانة أنا زيك المفروض كنتي بتساعديني وقت الخطوبة والفرح مساعدتنيش أتصالح ليه، جاية تدخلي دلوقتي بعد ما حصل صلح أنتي وهو صحاب أنا مالي وعمري ما قولتلك بتكلميه ليه".
