منى زكي: «ربنا طبطب عليا بـ تحت الوصاية والسوشيال ميديا خلتنا نتعامل مع ناس مجهولة»
كشفت الفنانة منى زكي تفاصيل مشاركتها في مسلسل تحت الوصاية، الذي عرض في دراما شهر رمضان الماضي 2023.
وتحدثت منى زكى فى لقاء لها مع الإعلامية بوسى شلبى على قناة ten قائلة: "ربنا طبطب عليا في اللي حصل والنجاح اللي حققه مسلسل تحت الوصاية وتوفيق ربنا في المسلسل ربنا بيطبط عليا وعلينا كلنا.
وأضافت: "في حاجات بتكسرنا في وقت لكن الأهم إزاي نعرف نقف تاني على رجلينا ونسد ودننا ونركز في الهدف اللي عاوزين نحققه وأنا بحاول مهما حاجة وجعتني وكسرتني أعرف أقف وأركز في هدفي، وأنا هدفي أعمل فن حلو أكون مستمتعة بيه ودا بيوصل للناس".
وتابعت: "السوشيال ميديا خلتنا بنتعامل مع ناس مجهولة ومش عارفين إيه ورا تفكيرهم هل دا مقصود ولا مش مقصود حقيقي ولا لأ أنا بحاول مهما حاجة وجعتني وكسرتني أعرف أقف وأركز في هدفي وإني أعمل فن حلو أكون مستمتعة بيه ودا بيوصل للناس".
