إيمان العاصي تحدد مواصفات شريك حياتها وتنصح ابنتها بعدم الزواج

تحدثت الفنانة إيمان العاصي بصراحة عن رأيها في الزواج من خلال لقائها ببرنامج "الجانب الآخر" الذي يعرض عبر السوشيال ميديا، حيث قالت إيمان العاصي: "من فترة قريبة مكنتش مفتقدة فكرة إني مش متجوزة لإني اتجوزت شهرين بس".

وأضافت إيمان العاصي: "دلوقتي نفسي يبقى فيه حد معايا.. وبرغم ده بتجنب الارتباط لأنه مش سهل يحصل في حياتي.. بس بقيت مدركة إن شريك الحياة مهم جدًا".

وأوضحت إيمان العاصي: "ببقى خايفة أتعلق بحد لأن قلبي بيتكسر بسهولة وبقول الحمد لله إني ما ارتبطش.. بس ده مش سبب إني ما اتجوزتش مرة تانية.. السبب الحقيقي إن مفيش شخص مناسب وأنا كل اللي عايزاه شخص مخلص ومش كداب".

وكشفت إيمان العاصي، الكثير من الأسرار بشأن حياتها الشخصية والفنية، قائلة: "أنا متسرعة ومترددة ومش بتعلم من أخطائي".

واستطردت: "بقعد أفكر كتير عشان أخد قرار.. ومش مبسوطة إن دي طبيعتي لكن استسلمت ومعنديش حل.. وفي أحلام كتير اتخليت عنها لأن فيه أولويات".

ابنة إيمان العاصي

وقالت إيمان العاصي: "اتحملت المسئولية بدري لأني خلفت بنتي وأنا عندي 23 سنة.. وبقول لبنتي نصيحة أوعي تقولي عايزة أتجوز وبحب واحد.. أنا عايزة أشوفها ناجحة مش شرط أشوفها عروسة".

واستكملت: "عايزاها تلف العالم وتكون مبسوطة في شبابها.. لأني بشوف إن الجواز في العشرينات غلط.. المفروض الواحد يتجوز في بداية التلاتينات عشان لو عايز يخلف.. مع إن العالم مش ناقص خلفة".

إيمان العاصي

وحول عرض مشاهير أسرارهم على السوشيال ميديا، قالت إيمان العاصي: "بقول ربنا ما يحطني في موقف كده.. لأن كشف أسرار البيوت كارثة وإحنا اتربينا على إن فيه حرمة بيت إزاي بتقدروا تعملوا كده؟! وفي ناس بتأكل عيش من ده.. ودي حاجة مش بحترمها.. ومن وجهة نظري ده أرخص أكل عيش".

إيمان العاصي وجعفر العمدة

وشاركت الفنانة إيمان العاصي، في السباق الرمضاني لعام 2023 بمسلسل "جعفر العمدة" وقدمت من خلاله دور (دلال) الزوجة الثانية لـ (جعفر)، والمتهمة بخطف ابنه من زوجته الأولى، وتدمير حياته.

إيمان العاصي

والمسلسل بطولة: محمد رمضان، وزينة، وهالة صدقي، وأحمد داش، ومي كساب، وإيمان العاصي، ومنة فضالي، ومنذر رياحنة، وجوري بكر، وعصام السقا، وأحمد فهيم، قصة: محمد سامي، وسيناريو وحوار: محمد سامي، ومهاب طارق، وإخراج: محمد سامي.