حسين الشحات يكشف عن كلمات مؤثرة من الراحل إيهاب جلال: ”عمري ما هنساها”

كشف حسين الشحات، نجم النادي الأهلي، عن موقف إنساني مؤثر جمعه بالراحل إيهاب جلال، المدير الفني السابق للإسماعيلي ومنتخب مصر، وذلك خلال تصريحاته عبر قناة النادي الأهلي.

وقال الشحات:"أبويا الله يرحمه كان دايمًا بيتكلم معايا كويس وبيشيد بيا، سواء بعد التمرين أو بعد أي ماتش. والكابتن إيهاب جلال، الله يرحمه، قال لي جملة عمرها ما هتتفارقني: صدق دايمًا إنك لاعب كبير وتقدر تلعب على أي حد في مكانك."

وأضاف الشحات: "دي أكتر جملة عمري ما نسيتها ولا هنسى صاحبها."

وعن علاقته بالمدربين، أكد الشحات: "أنا دايمًا بنفذ المطلوب مني، وعلشان كده ربنا بيكرمني مع أي مدرب. مفيش حاجة اسمها أقرب مدرب، لأن كل مدرب له أسلوبه وطريقته."

وتأتي تصريحات حسين الشحات في وقت يشهد فيه النادي الأهلي حالة من الاستعداد المكثف للموسم الجديد، وسط تقارير تتحدث عن إمكانية رحيل اللاعب بنهاية عقده.