«مثيرة للجدل».. أيتن عامر تطرح أحدث أغنياتها
طرحت الفنانة أيتن عامر، أحدث أغنياتها بعنوان "مثيرة للجدل" على "يوتيوب" ومنصات الموسيقى، وحساباتها على مواقع التواصل الاجتماعى المختلفة، والتى صورتها على طريقة الفيديو كليب أظهر استعراضات تتناسب مع طبيعة الأغنية.
أغنية "مثيرة للجدل" غناء أيتن عامر، كلمات أحمد علاء الدين، ألحان نورهان البغدادى، ميكس وماستر زووم، والكليب من إخراج محمد حسن أوكا.
وتقول كلمات الأغنية:
لو جامده فى قصف الجبهات
اخرك تلميذه فى مدرستى
اتفرجى بقى على النجمات
اكتبى ورا منى و اتبسطى
كراستك مليانه غلطات
سايباها وباصه فى كراستى
أنا صورى تملى مجلات
مش زيك صورى فى محفظتى
مش كنا حبايب واخوات
وانتى اللى بدأتى وغلستى
واشمعنى كلامى انا بالذات
خدتيه على مقاسك ولبستى
مثيره للجدل
مش بالفساتين ولا بالبدل
فى ناس لازم تشوف
العين الحمرا تتعدل
وكانت آخر أغنيات النجمة أيتن عامر، طرحتها باسم "اكشف"، والأغنية من كلمات إبراهيم محمد، ألحان أحمد أنور، توزيع عمرو الخضري، تصوير مروة راغب.
