هبة حسن: «بتجاهل ريم البارودي لهذا السبب»
تحدثت الفنانة هبة حسن عن تفاصيل خلافها مع الفنانة ريم البارودي مشيرة إلى أنها قامت بتجاهلها في الدعايا الخاصة في حكاية بنات السباعي ضمن مسلسل حد فاصل.
وتابعت الفنانة هبة حسن خلال لقاء لها في برنامج القاهرة اليوم، قائلة إنها اندهشت من تجاهل ريم البارودي لها، إذ قالت: "أنا متعودة دايما إن في أي عمل بنعمل منشن وتاج لبعض عشان بيبقى في ناس أكبر بتشوف الحاجات دي زي ما حصل معايا في مسلسل بابا المجال، وأنا بصراحة هنا تخيلت إن أنا وريم ممكن نعمل كده عشان الحدوتة قائمة على البنتين وأزواجهم والأب والأم فالمفروض نبقى مع بعض أوي علشان عايزين المسلسل ينجح أكتر".
وأضافت: "أنا فوجئت إنها بتنزل صور واستوريهات ومش بتعمل لي منشن بتعمل لمساعدين الإخراج والاستايلست والممثلين كلهم إلا أنا بتتجاهلني، فبدأت أنا كمان أعمل زيها وعشان متزعلش مني بقيت أكتب أميرة ومسعد أنا وحجازي مش حابه إني اكتب كل الناس واسيبها هي بس، كنت متخيلة إن هيبقى في تعاون ما بينا بجد".
