دعاء فاروق: «المنتجات الأجنبية بتعم جيش الاحتلال»
أكدت الإعلامية دعاء فاروق على دعمها لمقاطعة المنتجات الأجنية، وذلك عن طريق مقطع فيديو نشرته على حسابها الشخصي بموقع الصور الشهير إنستجرام.
وقالت دعاء فاروق: "من امبارح في حملة نازلة ضد المقاطعة، وإن المقاطعة دي بتأذي المصريين وبتلغي الاستثمار في مصر، وأنا اتخضيت من قلة الوعي شوية اللي عند بعض الناس، وأتمنى الناس تقبل الرأي الآخر اللي بيدعم وبيقوي فكرة المقاطعة، هما مش بيدوك الاسم وخلاص ده بيديك خامات وعمالة وفي المقابل لازم ياخدوا فلوس، طول ما انت واخد العلامة التجارية يبقى هتطلع نسبة من أرباحك للشركة الأم، يعني حتى لو أي ماركة فاتحة في مصر بناس مصريين بيروح نسبة من الأرباح للشركة الأم اللي بيملكها ناس يهود وبيكونوا بنسبة كبيرة صهاينة وبيدعموا جيش اللي ما يتسموا، دي حاجة لا تخفى عن الجميع، والمقاطعة أثرت فيهم وإحنا بنخاطب كل العرب مش المصريين بس، لأنهم بيدفعوا ضرايب وبيدعموا الجيش الصهيوني".
وتابعت: "طيب في ناس طيبين وبما فيهم أنا بيصعب عليهم الناس اللي شغالة والعمالة تتشرد، بالراحة دي مش كل العمالة اللي في مصر، أنا مثلا كنت في سوبر ماركت اسمه ولقيت كل البدائل للمنتجات الأجنبية، والشغل الأجنبي اللي هما في الآخر رؤوس الأموال بتاعة جيش الاحتلال وبيدعموهم، اللي حاولوا ينظفوا إيديهم ويقولوا إحنا مالناش دعوة بيهم بعد ما أتأثروا".
وأضافت: "المنتجات المحلية تعبت علشان تكبر وبتحاول ولكن في اللي كابس على نفسهم، والمنتجات الأجنبية بتيجي هنا بتغط على العمالة المصرية ومبيدوش ليهم حاجة، وطبعًا رجل الأعمال كسبان وهو قاعد في بيته، ولو بنيجي للناس بتوع الصناعة المصرية بيتشتموا، في توجيه للرأي العام وأنا ممكن أروح في داهية بالكلام ده ولكني هقول اللي يخلص ذمتي، فيه عمال كتيرفي المصانع المصرية مش عارفين ياخدوا نسبة من المبيعات، لأن المصانع والشركات الأجنبية مسيطرة وواخدة السوق المصري كله لحسابها، ولما يكون المناخ الاستثماري مفتوح لحبايبنا السعوديين والإمارتيين والكويتيين، هو حد مانع أنهم يجوا يستثمروا هو لازم يهود؟ هو إحنا عندنا رجال الأعمال قليلين ما تشتروا الاسم وتغيروا العلامة التجارية، ما أنتوا تقدروا تعملوا كده ولا لازم نضحي بالعامل الصغير، ما تدعموا القضية بجد".
واستكملت: "أنا بخلص ذمتي واللي نلاقي له بدائل نستغنى عنه، أصلًا سندوتشات البرجر دي من الرفاهيات، ما العيال طول عمرهم بياكلوا بسلة ورز وسبانخ وبسبب القرف اللي بيصدوره في مصر قالهم تقذم وأمراض، ما تعملوا من منتجات بلدنا".
