انتصار تنتقد ظاهرة انتشار عمليات التجميل بين النساء: «معرفش ليه بيجروا عليها»
كشفت الفنانة انتصار عن استغرابها من ظاهرة انتشار عمليات التجميل بين النساء، خلال الفترة الأخيرة في الوسط الفني وخارجه.
وقالت انتصار في تصريحات مع الإعلامى تامر شلتوت: "الفنانات بيلجأوا لعمليات التجميل، لمحاولة الحفاظ على الشكل بكامل حيويته أطول فترة ممكنة لكن معرفش ليه الستات العادية بيجروا على عمليات التجميل، وتحس إنهم طالعين من قالب واحد وبقوا كلهم شبه بعض".
وتابعت: "الستات بتفضل تجري ورا عمليات التجميل لحد ما ملامحها بتتغير خالص، وساعات بتوصل إن شكلها بيتشوه، وكل ده ليه وعشان إيه، خليكى بطبيعتك أفضل".
وعلى صعيد آخر قالت انتصار خلال اللقاء إنها ترفض بشدة مصطلح السينما النظيفة، إذ قالت: "أنا بحب أكيد المذيعين والمعدين المتطفلين لما بيسألوني عن القبلات، مالها القبلة يعني، أم كلثوم غنت للقبلة كارهين القبلة ليه، إحنا متربين على سينما كلها قبلات، وماله المايوه موجود وبيتباع في الشارع، ليه عايزين تاخدوا تصريح على لساني تدينوا بي المايوه، مانا بلبس المايوه انزل بي البحر مش مقاطعاه، حرام عليكم بيقيتوا تافهين، لما تختصر الفنان وتقعد تتكلم عن القبلات فقط تبقوا تافهين، يعني إيه سينما نظيفة مغسولة يعني".
وأضافت: "بنتي امتداد ليا لأنها نسخة مني، ولو في راجل أكبر منها بكتير تقدم لها هرفضه، وأنا محتاجة لراجل في حياتي ومينفعش نقول كل الرجالة خاينة فيه منهم محترمين ومتربيين".
