ياسمين صبري: «معنديش أصدقاء رجالة وكله بيخاف يكلمني وبيتهزوا لما يشوفوني»
كشفت الفنانة ياسمين صبري خلال لقاء لها مع برنامج الحكاية مع الإعلامي عمرو أديب المذاع على فضائية mbc مصر الكثير من تفاصيل حياتها الشخصية.
وقالت ياسمين صبري: ''مش كل الناس بتقدر تيجي تكلمني، بيقولوا مش قدها وبيخافوا وبيقولوا أنا هعمل لها إيه وهقدم لها إيه، وبيبدأ يتهز، وأنا أسفة إني بقول كدا، بس كل ست عارفة إمكانية تأثيرها، لو تعبان جاي يخططلي هيقع في شره وهيحبني، ومش بقول كدا عشان الشكل، ولكن بقول كدا عشان أنا بنت بلد وهادية مش سبور".
وأضافت: ''أنا من السيدات المحافظة وهذا النوع من السيدات بتقل بمرور الوقت و معنديش أصدقاء رجالة أخاف الموضوع يقلب مشاعر، ومش حاسة إني عايزه حاجة دلوقتي لو حب الشئ اللي بره يبقى حب اللي جوه، الشئ اللي بيلمع بيجذب ناس كتيرة أوي، ولكن الشعور هو اللي يأكد الشعور ده حقيقي ولا لا، كل ست جواها سنسور، وبتكون عارفة الحقيقة، هل الراجل ده منبهر بيها من بره بس ولا أيه".
