بشرى: «السينما هتتحول لصحراء بسبب عدم منح الفرصة للوجوه الجديدة»

وجهت النجمة بشرى انتقاد للقتئمين على صناعة السينما من منتجين وأصحاب دور العرض الذين يستعينون دائمًا بـ أسماء بعينها تحت مصطلح "أسماء بتبيع"، دون منح الفرص للجميع.

واستكملت خلال لقاء لها مع الإعلامية إنجي علي: "محدش بيغامر ولا بيقدم حد غير الموجودين من الأربع أو خمس أسماء اللى بيشتغلوا، رغم إن فى ناس كتير تستحق الشغل".

وتابعت: "للأسف بيتم تقديم نفس الناس فى نفس الأدوار كل مرة دون أى إضافة فطالما الموزعين فى دور العرض والمنتجين مصممين على كده، ومش منتبهين لأهمية إن السينما صناعة، إنت كده هتجبرنى أجيب الموضوع وأروح أنتج للمنصات بدون المرور على السينما، وساعتها السينما هتبقى صحراء، وفاضية وإنت هتخسر كموزع، وبدل ما بندفع للدولة ضرائب، ساعتها هتبقى حرمت الدولة منها".