تامر عاشور: «سارة الطباخ منتجة فنكوش»
تحدث الفنان تامر عاشور عن أزمته مع المنتجة سارة الطباخ، وقال إنها منتجة فنكوش.
وتابع خلال لقائه في برنامج حبر سري على قناة القاهرة والناس: "كنا مضينا عقد على أساس كلام معين اتقالي، وخطة معينة مشينا بيها، بتبقى حمية مش شغل، فهي جت لها حمية وفكرة تعمل ألبوم، وطلعت الفكرة واهية، زي ما لها أفكار واهية في كل الحاجات".
وأضاف: "قلت عنها مرة إنها منتجة الفنكوش، وفوق أي فنكوش ممكن أي حد يتخيله، وتزعل عادي براحتها كان غيرها أشطر".
واستكمل: "أنا مشلتش منها خالص، إحنا مضينا عقد ومفيش حاجة في العقد اتنفذت، فبدأت أشوف شغلي وبدأت تقاضيني كأنها ماضية معايا وكأنها انتجت لي، وتدخلت النقابة، فهي مضت عقد ولم تلتزم به، ومن رحمة ربنا عليها أني مكملتش في إجراءات القضية".
