الرئيس السيسي يقترح إجراء معايشة قصيرة لأبناء الشهداء بأكاديمية الشرطة

اقترح الرئيس عبدالفتاح السيسي، إجراء معايشة قصيرة لأبناء الشهداء، لاسيما الراغبين في الالتحاق بأكاديمية الشرطة عقب الثانوية العامة، ومنهم علي نجل الشهيد رامي هلال.

وقال الرئيس السيسي، خلال الاحتفال بعيد الشرطة الـ74: «الداخلية دول ولاد مصر وشباب وشابات من كل بيت في مصر.. أسرة الشهيد رامي هلال أسرة مصرية.. والدة علي وأخواته دول مصريين.. مهم جدا نحافظ على الصلة اللى بين مؤسسات الدولة وشعبها.. هاتوا شباب الجامعات يجوا يعيشوا».

وتابع: «علي عاوز ضابط شرطة.. أهلًا وسهلًا.. لما نسمع كده.. نبدأ نعمل تقديرًا لأسرته ووالده الشهيد رامي.. تعالي يا علي وغيره.. يقعد 10 – 15 يوم تشوف بابا كان بيعمل ايه؟.. لو البنات ولاد الشهيد نفس الكلام.. وده مش عبء على الأكاديمية.. والأكاديمية المستويات جواها.. هي الهدف منها تعمل عمل طيب وتضخ دماء طيبة في دماء وشرايين الدولة.. فرصة لابننا علي وإللي زيه.. لو عندهم رغبة.. نديهم فرصة في الإجازة يعيشوا في الأكاديمية يشوفوا الدنيا ويشوفوا بابا كان بيعمل إيه ويشتغل إيه.. وكان بيتعب إزاي علشان البلد تعيش».

الشرطة تتكون من أبناء مصر

وأضاف: «أوعوا تفتكروا إن الشهيد راح كده يعني.. مراحشي كده.. مش فطيس.. مش حادثة في الطريق.. قدم علشان بلده تعيش.. وإللي استشهدوا لهم عند ربنا فضل كبير.. أحياء عند ربهم يرزقون.. التجهيزات الأمنية القوية علشان بلدنا فقط.. من غير ما أجيب كلام.. دول لحماية بلدنا وشعبها وبمقدراته.. مش حماية لحد.. مش لحمايتي والله.. والله والله مش لحمايتي».

أكد الرئيس السيسي، أن قوات الشرطة تتكون من شباب مصر، وهم أولاد مصر، وليسوا من ميلشيات أو جماعات.

وعلق، على صورة الاصطفاف لقوات الشرطة: «إحنا مش بنحمي نظام، إحنا بنحمي دولة بشعبها، وليس شخص.. هدفنا حماية شعب ودولة من مخاطر وتهديدات شوفناها خلال السنين إللي فاتت».