الرئيس السيسي عن قانون توثيق الطلاق.. «عمرنا ما هنعمل حاجة تخالف شرع الله»
أكد الرئيس عبد الفتاح السيسي أن توثيق الطلاق هدفه الحفاظ على حقوق الأسر وحماية المجتمع.. عمرنا ما هنعمل حاجة تخالف شرع الله.
جاء خلال كلمته في احتفالية تكريم المرأة المصرية والأم المثالية 2023.
وقال الرئيس السيسي: " انا كنت اتكلمت فى الموضوع ده قبل كدا وقلت ياجماعة ان احنا عاوزين نعمل توثيق للطلاق..وده أمر مهم نعمله دلوقتي.. عمرنا ما هنعمل اجراء يخالف الشرع".
وأضاف الرئيس السيسي: "إحنا كمجتمع ودولة نحافظ على قوة ومتانة اللبنة الصغيرة بتاعته، بفكرة مش أنا بأسخر منكم ولا بأعمل حاجة على هوايا كده..في بداية تطبيق أى قانون على ما يستقر في وجدان المجتمع ويستوعبه ويقبله زى ما كان توثيق الزواج.. طيب زمان ما كنش فيه توثيق للزواج خالص النهاردة الوثيقة هو الكلام اللى بيعتد بيه حتى في المحاكم، والإجراء الهدف منه حماية وسلامة المجتمع والحفاظ على حقوق الناس.. لما نيجي نتكلم في 300 ألف فتوى.. الكلام ده مش هيحصل تاني، عاوز تنفصل بجد روح وثق الانفصال بتاعك، ويبقى اتحسب عليك ، طيب أى كلام هتقوله تاني مش هيعتد بيه، أكيد هيحصل مشاكل هنعرفها بعد كده، وبقول إن القانون فيه اكتر من 140 بندا.
وتابع الرئيس الرئيس: بطمنكم على الموضوع ده علشان بسمع نداءات واستغاثات كتير خايفين إن القانون يكون مش منصف للأسرة والطفل وهيدى الأم ولا العمة ولا الجدة؟.. هنحاول نكون متوازنين زى ما أنا قلت كده".
من جانبه قال المستشار أشرف مروان وزير العدل أنه تحدث مع المفتي فى موضوع توثيق الطلاق لكي نتحقق من وقوعه كاملا، وفضيلته قال لي احصائية عن الافتاءات التى وردت عن الطلاق بلغت حوالي 240 ألف حالة افتاء، وقع منهم حالتين فقط، وقال إن هذا وجوبي.