جوري بكر: أصيبت بخراج بسبب الحسد.. والجمهور اللي يقرر مين رقم واحد
تحدثت الفنانة جوري بكر عن كواليس مشاركتها ضمن موسم دراما رمضان 2026، بأكثر من عمل، وتصدرها التريند بمشاهدها مع الفنانة سوسن بدر في مسلسل الست موناليزا.
وكشف جوري بكر تأثير الحسد على حياتها، في مداخلة هاتفية مع الإعلامية نهال طايل، ببرنامج إحنا لبعض، المذاع عبر قناة صدى البلد، قائلة: «الحسد مذكور وأنا من الناس اللي الناس كلها عارفة إني بتحسد».
وتابعت: «ناس بتدخل تقول: (هتتحسدي على إيه يا فنانة؟).. إحنا بنتحسد وكلنا بيحصلنا مواقف وطرائف في حياتنا، ولكن الحمد لله السنة دي عدت على خير بمشاكل بسيطة كدة وخراج في ضهري».
وعن كواليس تعاونها مع الفنانة سوسن بدر، قالت جوري بكر: «من زمان بصراحة كان نفسي أشتغل مع أستاذة سوسن بدر، وحالفني الحظ أكون موجودة وبصور معاها، طبعًا مشاهدنا كانت صعبة لأن كان فيه مشاهد قاسية شوية وبالأخص المشهد الأخير بعد رجوعها من فرنسا».
واستكملت: «الموقف مكنش لطيف وأنا بحاول أبقى مش لطيفة معاها.. بس هي إنسانة جميلة جدًا وعظيمة».
وعلقت جوري بكر على جدل العمل الأعلى مشاهدة، قائلة: «الجدل على السوشيال ميديا أنا مقدرش أتدخل فيها ولا تخصني بشيء.. كل واحد شايف نفسه رقم واحد فهو كل واحد حر إنه هو يشوف نفسه إزاي».
واختتمت: «المفهوم الطبيعي بحب أسيب الجمهور هو اللي يتكلم عني هو اللي يقول مين رقم واحد مين أحسن مسلسل مين أكتر مسلسل كسر الدنيا على السوشيال ميديا أو في الشوارع بس أنا بحس الجمهور هو اللي بيقرر مين رقم واحد مش إحنا».
