محمد فؤاد عن أزمة «سحب الألبوم»: كان نفسي يدوقوا العلقة.. ويعرفوا يعني إيه «فؤش»
محمد فؤاد .. خرج النجم محمد فؤاد، عن صمته ليكشف تفاصيل أزمة ألبومه الأخير، وحقيقة سحبه منه لينتقل للمطرب عمر كمال، وذلك عقب حالة الجدل التي أثيرت في أكتوبر الماضي، الأمر الذي استحوذ من خلاله على اهتمام جمهوره والمتابعين على السوشيال ميديا.
وقال محمد فؤاد، خلال لقاء له ببرنامج «ET بالعربي»: «أنا مفيش أي حاجة اعتذرت عنها ومفيش منتج أساسا ودي الكوميديا الساخرة يا جماعة مفيش منتج عشان يتقال فكينا ولا لأ ولو في منتج بجد كان طلع وقال أنا المنتج وحقي».
وأضاف محمد فؤاد: «السوشيال ميديا بتضحك على الناس بسهولة جدا وأنا التزمت الصمت لأن بجد أنا كان نفسي يدوقوا العلقة بمعنى الكلمة ويعرفوا يعني إيه فؤش».
وتحدث محمد فؤاد، عن الأغنيات الجديدة التي طرحها تزامنا مع العام الجديد ورد فعل جمهوره عليها، قائلا: «رد الفعل طيب جدا وحاجة أنا متوقعها لأن أنا اللي فات من الجمهور يبين محمد فؤاد لو نزل حاجة هيعملوا إيه هما مستنين شوية بس أسلحة عشان يعرفوا يتكلموا بجد، سلاحنا دايما الإبداع هما عايزين يلا يا فؤش ورينا عشان نعرف نتكلم ونسكت أي حد ممكن يتشعلق في اسمك بشكل خاطئ».
عمر كمال ومحمد فؤاد
محمد فؤاد
وعاد الفنان محمد فؤاد، بطرح أغنيتين هما: «في قربك» و «يا فؤش»، ليشكلا أول ملامح ألبومه الجديد المنتظر.
وطرح فؤاد أحدث أغانيه بعنوان «يا فؤش» خلال الأيام الماضية، وهى من كلمات ملاك عادل وألحان محمد راجح وتوزيع نابلسى وميكس وماستر خالد سند.
وتقول كلمات الأغنية: في قُربك كل حاجة بتبقي في عيني حلوة أنا كل ماخش بيتنا لوحدى وأطفى النور، ألاقى صورتها ماليه الأوضه والمرايات، قالولي عمل ومعمولك جابولى بخور، وبخرتلها ظهرتلي فى حاجات وحاجات، أنا كل ماخش بيتنا لوحدى وأطفى النور، ألاقى صورتها ماليه الأوضه والمرايات، قالولي عمل ومعمولك جابولى بخور، وبخرتلها ظهرتلي فى حاجات وحاجات، عملولى زار برضو ماطلعتش قاعدالى فى البيت، وبملح ومايه فى الشقه كلها رشيت».
تفاصيل أزمة عمر كمال ومحمد فؤاد
وكان عمر كمال تحدث عن انتقال ألبوم محمد فؤاد إليه، قائلا: «بعد ما محمد فؤاد اختار الألبوم والمنتج صرف كتير قال لا مش هشتغل عاوز أغاني جديدة لأن الناس اللي اشتغلت معاه معظمها فريق عمرو دياب، وقال عاوز أغاني غير دي، والمنتج رفض، لأنه صارف حوالي 15 مليون جنيه أو 13 مليون جنيه».
وأضاف: «ومش أنا اللي خدت الألبوم، لكن تم اختياري من فريق العمل ورشحوني للمنتج المحترم اللي دفع كتير ومالوش علاقة بالوسط وصاحب شركة مقاولات وتصميم معماري وأنتج الألبوم في حب زميله محمد فؤاد، طيب هيعمل إيه بالأغاني، فلجأ للصناع فقالوا له عمر كمال كويس جد».
محمد فؤاد وعمر كمال
